BAB II ORA KEPENAKING LUPUT UTAWA SIKSANING DOSA

Sumber:SASTRA JIWA
Mamayu Hayuning Bawana

 

꧌ꦎꦫꦏꦼꦥꦺꦤꦏꦶꦁꦭꦸꦥꦸꦠ꧀ꦈꦠꦮꦱꦶꦏ꧀ꦰꦤꦶꦁꦢꦺꦴꦱ꧍

 

Ngrumangsani luput utawa reged iku lerege marang paniti priksa adiling kodrat.

 

Paniti priksa marang adiling kodrat iku lerege marang paniti priksa ing lupute dhewe, kang aran ngrumansani.

 

Yen nemoni apa-apa kang ora ngepenakake ati, elinga bae yen iku : jaban, ora dadi barang bareng tumrap : jeron. Munggguh bab lase : sanajan gunungan njeblug lan perenga bratayuda pisan, iya njaban.

 

Anane ora kepenak marga luput, lupute : marga lali ing dhuwur iku.

 

Yen nemoni apa-apa kang ora ngepenakake ati, elinga yeng kang ora ngepenakake iku satemene iya PANGGAWENING ATINE DHEWE, dudu : SING ANA SAJABANING ATI. Yen dhasar batine bener lan resik temenan, mokal ora kepenak. Mungguh resik mau ana resik tumrap : Jaban, ana resik tumrap : Jeron.

 

Yen nemoni apa-apa kang ora ngepenakake ati, elinga yen anane siksa saka dosa. Lire : anane ora kepenak saka luput. Mokal menawa ora marga dosa, utawa : mokal ana ora kepenak, merga bener lan resik. Ora susah adoh-adoh nglulur dosa kang wis klakon. Dosa saiki bae kang wus karuhan (nalika lagi ora kepenak bae). Dosane yaiku : dene dadak ngrasakakesing gawe ora kepenak, wong genah ngambah sing ora kepenak, kok ora nyimpang. Apa iku dudu luput. Rehne luput, apa ora tampa pasiksane. Sapata : sing prentah nglakoni gawe ora kepenak marang ati mau.

 

Yen nemoni apa-apa kang ora ngepenakake ati, wis ora susah takon maneh : mesthi saka lakuning atine dhewe sing susah, (salah pakarti), nyimpang saka : benering bener, yaiku bener jeron, dudu : bener jaban. Tandhaning  salah : kabukten enggone mujudake ora kepenak iku.

 

Yèn němoni apa-apa kang ora ngepenakake ati, mangka ora bisa mupus kaya ing dhuwur mau rehne angel, elinga : apa ORA BISA iku dudu kaluputan. Apa si ORA BISA utawa SI-ANGEL, arep dianggo gagaran anyelaki lupute. Ora weruh yen ORA BISA lan ANGEL iku wis kalebu marang luput, tegese : Iku wewengkoning luput, utawa anak putuning luput, dadi kalingane : mung saka DURUNG WĚRUH baé marang luputé. Déné ora wěruh iku iya anak putuning luput manèh.

 

Yèn němoni apa-apa manèh kang ora ngépénaki ati, aja mung měruhi : sing ana sajabaning ati. Měruhana : sing ana sajroning ati atiné dhéwé. (Aja ngèlingèling SING DIRASAK-RASAKAKÉ ngèlingana : SING DIANGGO ngrasak-ngrasakaké).

 

Yèn němoni apa-apa kang ora ngěpénakaké ati, takona marang pikiré dhéwé : apa ORA KĚPÉNAK iku maèdahi. Yèn maèdahi, karuwané olèh sěngkut nandangi. Déné yen wis dhěngěr : ora maèdahi, mangka těka ditrajang, iku salahé sapa. Cara jabané baé wis takon mangkene : sing maèdahi IHTIYARÉ apa GĚLANÉ.

 

Yèn němoni apa-apa kang ora ora ngěpénaki ati, yèn durung kětěmu luputé, ya isih luput enggoné nggolèki. Tandhaning luputé : durung bisa němokaké iku.

 

Yèn němoni apa-apa kang ora ngěpénaki ati, mangka tétéla saka luputing liyan sajabaning ati lan wis mupakat wong akèh yèn městhiné utawa běněré ora kěpénak (marga wis lumrah) èlinga baé yèn iku lagi aran běněr, durung : běněring běněr.

 

Kang tinuju ing layang iki : BĚNĚRING BĚNĚR, ora mung BěNĚR baé. Běněr iku mung tumrap jaban. Běněring běněr tumrap jěron. Yèn mung trima lumrah baé, ora susah mbicara jěron, awit mundhak dipurih kang nggayuh : běněring běněr, kang angèling-angèl gayuh-gayuhané.

 

Yèn němoni apa-apa kang ora ngěpénakaké ati, nyobaa takon marang budiné dhéwé APA YA RASA JATI MÈLU ORA KĚPÉNAK, RÈHNÉ WIS BĚNĚR, LUMRAH LAN MUPAKAT WONG SAJAGAD. Městhi ora, awit rasa jati ora městhi nganggěp běcik marang kang wis dianggěp běcik déning rahsa.

 

Yèn němoni apa-apa kang ora ngepenakake ati, èlinga paribasan Walanda : “De liefde is blind”, těgěsé : katrěsnan iku bisa micakaké. Ora kěpenak iku asal saka KABOTAN TRĚSNA marang dhiriné. Iku kang micakaké ati. Picaking ati : lali yèn dhiriné iku dudu bener-běněring kahanan kang tumuju ing sih katrěsnané kang ngěběki jagad.

 

Yèn nemoni apa-apa kang ora ngěpénakaké ati, AWAKMU TAKONANA DHÉWÉ : hé........, pangudi, kétokna gawému, sabab saiki aku lagi němoni kang ora kepěnak. Apa gunane aku ngudi kawruh batin, yen sěněngku mung yèn : oleh kang lumrahé nyěněngaké, utawa : susah yen nemoni kang nusahake. Yèn mung lumrah mangkono bae, ora leh déné ngudi kawruh kabatinan.

 

DURUNG WERUH bae marang lupute. Dene ora weruh iku iya anak putuning luput maneh.

 

Yen nemoni apa-apa maneh kang ora ngepenaki ati, aja mung meruhi : sing ana sajabaning ati. Meruhana : sing ana sajroning ati atine dhewe. (Aja ngelingeling SING DIRASAK-RASAKAKE ngelingana : SING DIANGGO ngrasakngrasakake).

 

Yen nemoni apa-apa kang ora ngepenakake ati, takona marang pikire dhewe : apa ORA KEPENAK iku maedahi. Yen maedahi, karuwane oleh sengkut nandangi. Dene yen wis dhenger : ora maedahi, mangka teka ditrajang, iku salahe sapa. Cara jabane bae wis takon mangkene : sing maedahi IHTIYARE apa GELANE.

 

Yen nemoni apa-apa kang ora ora ngepenaki ati, yen durung ketemu lupute, ya isih luput enggone nggoleki. Tandhaning lupute : durung bisa nemokake iku.

 

Yen nemoni apa-apa kang ora ngepenaki ati, mangka tetela saka luputing liyan sajabaning ati lan wis mupakat wong akeh yen mesthine utawa benere ora kepenak (marga wis lumrah) elinga bae yen iku lagi aran bener, durung : bebering bener.

 

Kang tinuju ing layang iki : BENERING BENER, ora mung BENER bae. Bener iku mung tumrap jaban. Benering bener tumrap jeron. Yen mung trima lumrah bae, ora susah mbicara jeron, awit mundhak dipurih kang nggayuh : benering bener, kang angeling-angel gayuh-gayuhane.

 

Yen nemoni apa-apa kang ora ngepenakake ati, nyobaa takon marang budine dhewe APA YA RASA JATI MELU ORA KEPENAK, REHNE WIS BENER, LUMRAH LAN MUPAKAT WONG SAJAGAD. Mesthi ora, awit rasa jati ora mesthi nganggep becik marang kang wis dianggep becik dening rahsa.

 

Yen nemoni apa-apa kang ora ngepenakake ati, elinga paribasan Walanda : “De liefde is blind”, tegese : katresnan iku bisa micakake. Ora kepenak iku asal saka KABOTAN TRESNA marang dhirine. Iku kang micakake ati. Picaking ati : lali yen dhirine iku dudu bener-benering kahanan kang tumuju ing sih katresnane kang ngebeki jagad.

 

Yen nemoni apa-apa kang ora ngepenakake ati, AWAKMU TAKONANA DHEWE : he........, pangudi, ketokna gawemu, sabab saiki aku lagi nemoni kang ora kepenak. Apa gunane aku ngudi kawruh batin, yen senengku mung yen : oleh kang lumrahe nyenengake, utawa : susah yen nemoni kang nusahake. Yen mung lumrah mangkono bae, ora leh dene ngudi kawruh kabatinan.